話時話：做人新抱甚艱難 如何處理婆媳關係？

今年25歲嘅吳若希係4月時為澳門闊少男友Alex生咗個B女，但原來仲未婚期都仲未定落嚟，原因據指就係同吳若希嘅性格有關。好似之前佢就公開爆seed鬧男友嘅朋友未經佢地同意就貼BB女嘅相上網，用詞低俗粗鄙，而且仲同網民駁火。未來奶奶都有提點過，但似乎意見接受作風照舊，又指吳若希唔認同老人家湊小朋友嘅方法，於是仲唔俾兩老探孫添，搞到男友夾係中間，令婚期遲遲未定。

點樣同奶奶相處相信係好多夫婦都遇到嘅問題，如果唔想搞到婆媳關係咁差，老公左右做人難嘅話，又可以點做呢？

懂得尊重

雖然奶奶唔係女方嘅親生媽媽，但結婚後大家其實已經係一家人，應該無分彼此。而且對住老人家，都應該要有禮貌同識得尊重對方，老人家知道你尊重佢自然會尊重番你同埋錫你嘅。

關心奶奶

如果你係真心關心奶奶自然係最好，否則就算係門面功夫都應該要做齊，好似得閒就同佢飲下茶，問候下關心下佢嘅日常生活，等佢感受到你對佢嘅關注。

多溝通

或者奶奶同新抱雙方都唔願意去溝通，先會引起一啲不必要嘅誤會。有時間嘅話不妨多啲同老人家相處同溝通、笑多啲，當係聽下故事學習下都唔錯。

忌太親熱

個仔娶咗老婆之後其實個心都已經唔係阿媽個到，雖然人大咗總要成家但一手一腳湊大個仔嘅媽媽唔多唔少都心有不甘，如果夫婦仲要係奶奶面前咁親熱，只會勾起嘅醋意同嫉妒，最後都係新抱受氣。

相片來源：jinnyng@instagram