世界10個有趣節慶
唔同國家、民族都有好多唔同嘅節慶，除咗我哋認識嘅新年、聖誕、情人節或母親節，仲有好多有趣嘅節慶，例如︰要揸電單車嘅節目，裸體玩音樂嘅音樂節、喺沙漠體驗40年代生活嘅文化節等，好多都估你唔到，奇奇怪怪，十分爆趣。
火人節 (AfrikaBurin，南非)
南非火人節舉辦歷史比較短，2007先舉辦第一屆，源自80年代美國嘅火人節(Burning Man)，所以AfrikaBurin又有南非版火人節之稱。每年一次，今年喺4月25至5月1日已經舉辦咗，成千上萬人去到卡魯(Karoo)沙漠參加。類似一個文化節，參加者可以跳舞、亂叫、總之自由做咩都得，同時又會體驗原始生活，回到40年代，以物易物咁得到水同食物。
斯特吉斯摩托車拉力賽 (Sturgis Motorcycle Rally，美國)
講就係拉力賽，但冇人會視為比賽，似一個摩托車發燒友大晒冷嘅活動。參加者都會以復古穿著揸摩托車，播住老式搖滾同鄉村音樂，由布拉克山(Black Hills)去到斯特吉斯小鎮，當地人口7,000人唔夠，但每年參加者就多達70萬，可見規模有幾咁盛大。今年會喺8月8至14日舉行。
冰雪節 (SnowGlobe Festival，美國)
喺零下12度左右，戶外冷天雪地舉行，有DJ、音樂會，大家一齊跳舞狂歡。每年年底喺加利福尼亞州嘅南太浩湖(SouthLake Tahoe)舉行，今年12月29至31日舉行。
相片來源︰imagetherapy @tumblr
火人節 (Burning Man，美國)
今年8月28至9月5日喺內華達州舉行，自己揸車入沙漠，仲要自己準備水同食物，當然可以以物易物，目的就係遠離城市，自由狂歡。
相片來源︰thecreatureintheskyy @tumblr
布達佩斯島節 (Sziget Festival，匈牙利)
歐洲最大規模嘅音樂同文化活動，為期7日，今年8月10至17日舉行，1993年開辦。DJ同音樂會，令參加者可以癲足一個禮拜。
相片來源︰notmyfaultbutyours @tumblr
特賴納群島節(Traena Festival，挪威)
被譽為世界最遠、最冷、最細嘅音樂節，因為去特賴納群島好麻煩，喺挪威要搭兩個鐘飛機到港都Bodo，再坐五個鐘船，先去到北極海嘅特賴納群島。不過音樂節嘅場地就好有特色，喺島嘅山洞、教堂、草原、任何一個地方都會舉行，今年7月7至10日舉行。
相片來源︰every-picture-holds-a-tale @tumblr
格拉斯頓伯里(Glastonbury，英國)
全名應該喺格拉斯頓伯里當代表演藝術節，1970年已經開始。可以話係世界最大嘅露天音樂節、表演藝術節。不過，好受天氣影響，落起雨黎，環境一般。今年6月22至26日麥加(Mecca)舉行。
相片來源︰thejamesboyle @tumblr
EXIT及海洋舞蹈節(EXIT and Sea Dance Festival，塞爾維亞和黑山)
其實係兩個節目黎，The EXIT Adventur同海洋舞蹈節，原本喺2000年由一學生爭取民主自由而喺塞爾維亞舉辦嘅音樂節，完咗之後，參加者唔夠喉。再去到黑山嘅賈茲海灘(Jaz)，舉辦多個舞蹈節，延續狂歡。The EXIT Adventur喺7月7至10日舉行，舞蹈節就7月14至16日舉行。
羅斯基勒音樂節(Roskilde Festival，丹麥)
為期8日，好受關注嘅羅斯基勒音樂及文化節，因為參加者都係裸體參加，你鍾意的話，周街裸跑都冇人管你。今年6月25至7月2日舉行。
相片來源︰sutminpik @tumblr
Downlond音樂節(英國)
李斯特郡每年嘅重頭戲，專玩搖滾同重金屬嘅音樂節。今年6月10至12日舉行。
