【元朗掃街！】超抵台式小食 + 手卷 + 搞鬼 cafe
元朗小食又正又平唔使多講，最近又有幾間小店值得推介 ——有街坊大讚的台式小食，有由太安樓進駐的口碑手卷，亦有有性格的甜品小食店，一百幾十蚊，夠你食足一個下午！
【立即讚好】全新 Yahoo Food Facebook 專頁
位於小巷中，不是街坊的話可能要找找���幾個座位，主力做外賣。大廚不是台灣人，卻有逾 30 年入廚經驗，對炸物尤其拿手！(a)
招牌鹽酥雞 $30。必吃！用雞脾肉，粒粒 size 相約。值得一提的是小店的「炸油」天天更換。雞粒一咬酥脆，炸漿薄，外層灑了少少椒鹽/辣粉調味，雞肉Juicy 唔嚡口，好味！(a)
香辣小銀魚 $30。用手掌般大的白飯魚仔，沾一層薄炸粉炸成。入口十級鬆脆，咬開可以見到白白的魚肉，夠新鮮。(a)
香酥棒棒豬 $30。另一必吃，豬柳醃過再炸，難得唔油膩，外層鬆鬆脆脆，食完一盒其實都幾飽。(a)
(左)酥炸四季豆、酥炸本菇 各$20。本菇炸完仍然有菇香，保留少少濕身；四季豆香口感覺較健康，小朋友唔會唔食啦。(a)
蒜香粟米 $25。重點是粟米上的蒜粒，一齊食，脆卜卜有咬口，比單吃粟米更惹味。(a)
酥炸杏包菇 $25。杏包菇大大條，都係嗰句：炸漿好薄！有圖有真相。(a)
第 2 間小店「櫻手卷」本店在太安樓，店小小但就主打 30 多款手卷，坊間口碑不錯，早排就開到入元朗，仲加推幾款平民丼飯。(b)
蟹將軍丼 $52。原隻軟殼蟹「訓」在碗上！視覺上都幾震撼。即叫即炸，微微脆口不腍身。配蟹籽及蟹柳，軟殼蟹迷一定要 order。(b)
櫻之丼 $48。湊近聞到陣陣蝦香，因為飯面鋪滿了淺炸過的櫻花蝦，再配上像雪糕一樣的吞拿魚蓉，滿足~(b)
三文魚丼 $58。三文魚籽、三文魚、三文魚腩，配搭大路但勝在夠新鮮。(b)
(前)海膽拼三文魚籽手卷 $54、火灸牛油赤海蝦手卷 $38。當然要試小店最耍家的手卷。價錢雖然不算平，但用料的確較講究，海膽好新鮮。(b)
第 3 間小店「小寶當家」餐牌選擇豐富，西多士/雪糕/乳酪/雞翼/串燒/沙冰都有，揀都有排揀。©
軟綿綿西多士伴雪糕 $48。厚多士 3, 4cm，上面是焗到粒粒漲起的綿花糖，配多球雪糕，食完成口甜！©
女神西多士伴雪糕 $52。厚多士 double 上，加一球直多啤梨雪糕，oreo 及雜果，果醬。©
春嬌 $28、志明$28。其實即是士多啤梨，及藍桔荔枝特飲。有此名是因為店主是電影「春嬌救懿明」的粉絲。©
(左)藍莓乳酪沙冰 $28、(右)世外桃源(雜果) $68。這裡的乳酪全部都是homemade，自己發酵製成。味道比起現昶的少甜，酸香自然。©
Shop Info
a/ 酥我行
地址：元朗裕榮徑 3 號號 號金禧樓 5 地下 5 舖(6211 2830)
b/ 櫻手卷 Sakura
地址：元朗又新街 35 號 7B
c/小寶當家
地址：元朗建業街 88 號仁義大廈地下 C 號鋪 (2698 3188)
