克羅地亞 - 夕陽下的海之聲
海哭的聲音唔少人都聽過，係阿妹同學友把聲嚟，但有聽過海洋的歌聲嗎？
唔係魯賓遜沉船+鐵達尼果種奪命狂呼，亦唔係錢塘夜潮般澎湃的轟叫，而是如天使般在妳耳邊吹起貝殼螺的梵音
這樣的事，從來未曾於我見識淺薄的腦海內出現過，卻無意地在此旅程中遇上了
克羅地亞西部海邊城市Zadar，於舊城區西北最頂端有一幅臨海之地，以米白色大理石裝置得整整齊齊，乍看還似普通的海旁階梯
然此卻為世界上寥寥無幾的“海風琴”Sea Organ (Organo Marino)
把海岸內部建造成一座巨型風琴，利用潮汐作動力，每次海浪湧起，進退之間，拉出一絲絲沉穩而悠揚的聲響
坐在琴階之上，閉起雙眼，聽著，直如海中女神奏出一段段美妙的樂章
只滿足耳仔唔夠既!
Zadar Sea Organ最屈機既係聽覺享受海之呼聲同時，視覺則陶醉著夕陽西下之美景!
眼看著太陽由耀眼的金黃，漸漸轉成艷麗的赤紅， 一步步穿過雲霞的面紗，最終退隱於一坪之海岸線上
耳聽著海風琴的演奏，配以海歐、天鵝的詠唱，此仍真正海與天的伴奏，是無與倫比的海洋交響曲!
夕陽醉了，爾等又何嘗不醉?
太陽完全消失於海岸線時，在場所有群眾不自覺響起熱烈的掌聲，直如傳聞中希臘聖托里尼島的夢幻日落一般!
希治閣曾講過 :「Zadar擁有世界上最美之日落!」
此處是否best of the best我不敢莽言，但以個人經驗所見之日落，只有德國海德堡的火燒天( 第三十八章 )、芬蘭赫爾辛基Suomenlinna的冰裂海( 第五十八章 )和俄羅斯聖彼得堡涅瓦冰河上之日落能媲美!( 第六十一章 )
然以五官感受之完全，Zadar可謂無得輸矣!
眼見有不少準新人在此影婚紗相，心想如果在此求婚既99.99℅一定掂! 豬八戒都娶到小龍女呀! 如果你係剩低果0.01既唔該自己檢討下呀~
同類型的建設，地球上好像只有加洲三藩市的Wave Organ! (黑池的High Tide Organ成個樣都唔同就算吧啦)
唔想去咁遠幫襯美國佬既，克羅地亞Zadar呢處一定要嚟啦～
但香港去克羅地亞真係近過去美國咩？？…………………..
(外國d小妹妹幾招積~)
關於Sea Organ仲有少少野講～
係Organ上有一舊圓形電子發光格仔舞池，於入夜後閃下閃下
資料介紹話好靚，但我去到就得個“哦”字，而且第一日大雨後滑過溜冰!
不過都可以影下相ge，反正去得Sea Organ一定會見到的
Zadar兩日既行程中其實我只睇左Sea Organ，舊城區其他地方我都係匆匆行過下就算，連去新城區條橋都無行上去!
攪乜鬼兩日去得咁少地方咁忙呀？？？
事源我由Pula坐5個鐘車嚟到Zadar後就落起黑色暴雨!
全身防水裝備下行左20分鐘，底橫都扭得出水呀!
而當晚係大雨到睇唔到日落的，上面既相其實係我第二日去完one day trip返嚟所攝，真係好彩係此地留多一日~
(舊城海邊，影呢張相開始狂風大暴雨……….)
(往新城區的橋，影完相就走，無行過~)
===================================
Email : funggarcia@gmail.com
Instagram : https://www.instagram.com/fung_garcia/
Facebook Page : www.facebook.com/Garcia.in.Germany
