十大可怕旅遊經歷

到咗異地，人生路不熟，言語溝通又唔好，簡直雞同鴨講，有無試過發生驚人恐怖事呢？有時候呢啲旅遊經歷可能會成為一世的回憶，亦都有可能成為你畢生的恥辱，就真係睇你點睇喇。近日外國有網站就收集咗唔同網民的可怕經歷，小編就為大家綜合咗十大，希望呢啲事唔會發生係你同我身上喇！

1. 自製「機上廁」

有無試過係飛機勁急，但安全燈又着咗，空姐點都唔肯比你企起身去廁所呢？真係忍到天荒地老，有網民就分享有次同呀媽細佬坐飛機，細佬臨起飛個陣係咁喊，佢地都以為只係細佬耳仔痛，點知突然之間呀媽成對腳都係啡色，連張飛機櫈都賴野，空姐唯有比個膠袋同梳打粉佢地自己搞掂，從此每次細佬搭飛機都會比人舊事重提。

2. 膠樽小便意外

相信係男仔都會試過，人有三急又無廁所個陣，唯有求其拎個膠樽解決。大家都知外國的公路又長又快，唔係話停就停，有網民就分享自己有次長途車勁急尿，點知用膠樽解決緊期間，爸爸突然剎車，於是成樽野就淋咗落爸爸到，唔知佢最尾有無比爸爸鬧死呢？

3. 迪士尼之嘔奶之旅

兩兄弟係岀發迪士尼之前買咗兩支奶，飲咗啖就覺得怪怪地，但由於支奶成六蚊美金（約$45港幣），呀媽梗係要佢地飲唒佢喇！點知一上車兩兄弟就開始想嘔，呀媽仲以為佢地暈車浪，比個膠袋佢地，嘔完仲落車繼續玩，袋嘔奶就咁放咗係車全日，小編而加諗起都想嘔！

4. 勁污糟「酒店」

大家有無試過去啲勁核突的酒店住，真係都唔知間野究竟可唔可以稱之為酒店添。有網民就試過住係間天花板有蝙蝠、道牆又有屎、仲用沖涼巾做地毯的酒店住，其實究竟佢住緊森林定酒店？

5. 水土不服勁掃興

有網民分享自己試過一家六口去旅行，點知六個都病曬，沿途個個輪流肚痛又嘔，連嘔吐袋都唔夠用，真係掃興都爆燈。

6. 整塞屎渠

一對夫婦為慶祝結婚週年紀念，就book咗間酒店房諗住開開心心咁慶祝，食完飯返酒店，老公去開大，之後個廁所竟然唔去水之餘，仲要回湧返岀黎，搞到地毯都係。兩公婆當然有得換房，但之後幾日就超尷尬，連前台都唔敢去咁囉。

7.困]]>𨋢𨋢𨋢