周末性趣：床上心理學 女性最討厭男性喺床上做嘅五件事

男人係床上鍾意做主動就係人都知，但有時啲舉動真係會令女方好難頂。外國網站Mens’ Health最近就訪問咗女性關於佢哋最討厭另一半係床上會做嘅事。始終性愛係要雙方配合又投入先會令大家享受，各位巴打仲唔快啲睇下了解下女仔諗乜，下次記得唔好再犯啦。

1. 畀order 畀上癮
的確好多女性都期望男性係過程中擔任主動嘅角色，甚至有少少嘅霸道。不過要知道適當嘅霸道係增加情趣，但如果下下order女方，限制對方要做啲咩，其實女方未必會舒服，甚至有不被尊重的感覺。

2. 太粗魯
當男方想「進擊」嘅時候，有時會太用力或者表現得粗魯，咁樣唔單止刺激唔到女方，而且令女方好痛，所以真係要好好把握力度，適當嘅溫柔會令到女方更加投入，要記住佢唔係你嘅發洩工具。

3. 女上男下時不給力
當女性於上方時，好多時男性都認為係應該由女性主導，所以真係完全唔郁，令到女性覺得好無奈。其實好多女性都唔知道佢應該要點樣開始，所以如果男性可以帶動一下，就自然會更順利。

4. 死唔斷氣
持久力對好多男士來講都係表現性能力重要嘅一環，但千祈唔好不斷重複又重複一樣嘅嘢，女仔只會覺得你死唔斷氣，並唔會因為咁而持續高潮，所以過程中最緊要留意另一半嘅反應，適當嘅時候就好收手啦。

5.不著重前戲
女方通常比較着重前戲，男女之間嘅愛撫會產生一種親密嘅感覺，令女性更容易投入性愛，所以如果想另一半更投入，就一定唔可以忽略呢個過程。

相片來源：zerotreze ＠tumblr