10個女人成日錯犯嘅男人潛規則
（圖片來源：http://1.bp.blogspot.com/-LYF_RBkmdDM/Uknvwy7TffI/AAAAAAAAByA/HqgGMXZ8uGs/s1600/Angry1.gif）
次次同女人鬧交，作為男人都一定會好輸蝕，就算道理喺自己呢邊，到最後都一定會比人話蝦女人。究竟真係男人嘅錯定係女人有問題？
其實喺出現好多摩擦場面嘅時候，認真去退後睇番，原來有好多男人嘅潛規則女人都真係完全唔理解。睇完以下10個男人嘅潛規則之後，相信好多男士都會有一定嘅共鳴，覺得有苦都係男人自己先知！
1. 女人嘅眼淚其實係勒索嘅工具
見到女仔喊其實意味左自己比女方勒索緊，眼淚都滴晒出黎咁身為男人仲可以做D咩？除左哄番女仔之外，做咩都會比人鬧蝦女人。所以對於男人黎講，女人嘅眼淚無錯係最強嘅武器，仲同恐怖分子嘅武器相差無幾添！
2. 「係」同「唔係」已經係最清楚嘅答案
比問題少女追問問題，對於男人黎講簡單既「係」同「唔係」已經可以答晒所有嘅問題。所以一旦遇到對方解釋前解釋後，真係會令自己非常費解，心諗：「我唔係已經答左你架喇咩？仲問？」
3. 女朋友著咩其實都好睇
其實只要係同女朋友出街，無論係去咩場合女朋友著左咩野嘅衫，自己都一定會覺得佢靚。所以問黎都無咩必要，個人先係最重要架嘛！
4. 顏色就只有紅橙黃綠青藍紫
顏色女仔不嬲都會分得好仔細，大紅、酒紅、桃紅咁分，但喺男人眼中，就只有簡單嘅紅、橙、黃、綠、青、藍、紫。所以買咩嘅時候買錯色都唔好怪我呀！邊有人咁得閒咁樣細分顏色？？！
5. 如果你覺得你自己肥，咁就係肥。
對於男人黎講，女朋友肥定唔肥，都係女人自己最清楚。如果女仔講得自己肥，就算男人點解釋女人都係會覺得自肥，仲會覺得男人係講緊大話。所以面對女朋友問自己呢條問題，好多男人都會覺得「做咩要問我？你覺得肥咪肥囉！」
6. 唔好話男人唔夠Fit
身形呢樣野就算自己係肥，男人肥得出黎就證明我唔介意啦，介意嘅話我自然就會自己去減，所以唔需要女人成日提住覺得自己點點點。
7. 問你有無野，你答無事，就代表你無事
女仔被問到有冇事嘅時候，無論有事定無事，自然反應就會係答「無事」，想人追問好多次先講。但好多男人聽到女人好多次都係咁樣答，有時又死都唔肯講嘅時候，就自然會覺得「你都話無野即係無野啦？」，於是就想唔再問落去。
8. 要幫手就唔好指指點點
如果要男人幫手完成某樣野，咁就千祈唔好喺佢旁邊指指點點，因為男人自有自己嘅辦法搞掂壇野。如果女方想比意見唔係唔得，但就應該事先講明係想點做，唔好等我開始用自己嘅方法開始左先黎說三道四。
9. 唔好問你唔想聽到答案嘅問題
問得出嘅問題即係想人答，答左之後就唔好怨人地點解要咁樣答，因為個答案真係男人想講嘅意見。如果女方係唔想聽到問題嘅真實答案，或者就真係唔好問，避免出現不必要嘅摩擦。
10. 有問題男人只會幫女人解決，而唔係講安慰說話
遇到唔如意嘅事同男人訴苦，男人本能上就係會幫女人解決問題，而唔係講安慰說話。有時可能解決嘅方法會令女人喺過程中難受，但男人諗到嘅就係解決之後雨過天青嘅景象。所以如果想有人認同、安慰，女仔都係搵女性朋友訴苦好D，唔好搵我地喇！
來源：9gag
【原文連結】
10個女人成日錯犯嘅男人潛規則
【推介文章】
【人生交叉點】日本男自貼衝擊照警世：to J or not to J？
【恥笑片】內地客越南搶生果醜態盡現 網上瘋傳
