庸材自擾：唔識趣嘅男人最傷女人心

身邊有一個朋友，最近同一個曖昧中嘅女仔去咗日本旅行。

以男性嘅角度睇，某程度上一對男女去旅行其實即係代表男女雙方都已經有左充分嘅心理準備，坦白啲講，亦即係預咗夜晚大家會搞埋一齊。

當然，作為佢咗「好兄弟」，我咗成班朋友響佢旅行之後約咗出黎，聽一聽佢旅行咗包膠。

「喂，旅行有冇特別嘢？有冇搞人哋呀？」

「冇呀！」

「吓？點解呀？」

「我又唔知點做好，再講，佢又冇出聲又冇主動，陣間佢告我強姦咪死？」

「講呢啲！」

本以為已經30歲嘅佢地純過蒸餾水，內心都即時有啲唔好意思，因為我覺得自己實在太賤格，居然以自己低劣嘅道德標準去評估佢哋。

其中一個朋友再追問落去：「其實佢有冇俾到咩暗示你？或者會唔會係你自己戇居唔識趣？」

「唔……我記得第一晚，響酒店房入面，個女仔沖完涼就咁包住塊毛巾坐響我隔離睇電視，佢仲問我佢對腳係咪好粗，我心諗佢對腳根本就又白又長，之後第二晚，佢響浴室沖涼話唔記得攞衫褲，叫我攞入去浴室俾佢，我俾完之後就出返廳啦。」

我哋聽完之後，送左一個字俾佢：「死蠢！」

一個中國人傳統的求偶思想，男作主動女作被動，某程度上個女仔嘅一舉一動已經為自己作出咗好大讓步，再多就會俾人話「cheap」。

「其實你知唔知你響到hurt緊人？」

「我有咩hurt 到佢呀？」

「一個女仔咁樣引誘你，但係你又無動於衷，你咁樣會令到個女仔懷疑自己冇吸引力，令到佢信心低落，再講，你有冇聽過禮貌性上床呀？估唔到你個人咁冇禮貌！」

男人唔咸濕，女人好心噏。

成日聽人講女人喜歡壞嘅男人，我會話女人喜歡識趣既男人，其實簡單一句「你今日靚咗好多」「條裙襯得你好靚」已經可以令到女人心如鹿撞，或者開心足一日。

再說，一個女人攪盡腦汁做咁多引誘性嘅行為而最後咩都冇發生，個女仔會點諗？

唔識趣嘅男人，其實係最傷女人心嘅人。