想當年：日資四大百貨登陸銅鑼灣 「小銀座」誕生

講起銅鑼灣，大家可能諗起嘅都係商場，吃喝玩樂，宜家嘅銅鑼灣的確係有幾大商場，不過要講盛況空前，不得不數上世紀日資百貨公司盛行，紛紛落足於銅鑼灣，令銅鑼變成「小銀座」。當年最勁嘅巨頭就係四強並立嘅年代，三越、大丸、松坂屋、崇光。四大日資百貨目前僅餘最後者，究竟四大百貨嘅背景興衰係點？

三越（1981-2006）

即目前希慎商場嘅原址，專走高檔路線，1981年開業，共四層高；不過留傳至今最多三越嘅消息就係當中嘅鬼故事，眾多唔同版本嘅鬼故流出，例如地庫有枉死細路等，十分猛！

大丸（1960-1998）

第一間落戶香港日資百貨，成功打開市場，因為當年大丸係小巴站，一句「司機大丸有落」成為經典；以華麗大門口成招徠，目前為名店坊嘅舊址。

松阪屋（1978-1995）

現恆隆中心舊址，共四層高，另有一分店位於金鐘。松版屋地庫有多間著名日本食店，永遠大排長龍。雖然香港廿幾年前已結業，不過松阪屋目前於日本仍然首屈一指。

崇光（1985-目前）

曾經係全港最大百貨公司，於2000年時日本崇光宣告破產，香港崇光則被大劉及鄭裕彤用35億收購，得以避過結業命運，後來生意更起死回生！