戀愛系：丈夫去打仗 大肚妻子隔空影合照？

戀愛系

成日講話愛情係無分遠近、渝越生死，不過講真大家都生活喺香港，又幾何擔心生死；最多咪擔心個死佬有無去搞三搞四，係咪？但係如果活喺美國，其實真係有唔少人擔心伴侶嘅安危。

一位29歲懷孕太太Vernoica，已經懷孕9個月，但無奈丈夫喺軍人，目前隨空軍出征於中東某個國度，大住肚老公又唔喺身邊，無人照顧，起居全靠自己，令Vernoica非常抑鬱，而且思念之情每日而上。雖然二人相隔千里，不過攝影師Jennifer McMahon就諗定個方法，就係隔空合照。Jennifer先幫Vernoica影咗一輯相，再幫老公影一輯，然後用Photoshop將二人變成合相，最得意係Jennifer故意唔剷走背景，Vernoica背景係一片草地，老公就係乾旱嘅戰地，反差更大，更令人感慨。

Vernoica雖然未見到老公，不過總算憑相都得到少許安慰，不過可惜係預計老公都唔可以喺佢分娩時返嚟陪佢喇。戰爭無情，有時可能唔使咩大新聞，簡單一個愛情小故事，或者已經可以領悟到喇。