戀愛系：你有無份？男人票選女人3大不衛生行為

成日話女人最緊要係內在美，外表唔應該太介意，男人係咪真係咁諗呢？可以答你，9成男人其實都係睇外表先，不過同時間有一大問題，就係愈嚟愈多女生係「金玉其外」，即係點？對住人或者Social Media上係靚女，實際上其實比好多男人仲要唔注意衛生。唔係講緊唔執屋嗰種，係講緊個人衛生！好多男人都唔明，點解一個出門口要化妝執樣成個鐘嘅女人，暗底裡反而係如此不修邊幅，可以忍受到一啲連男人都接受唔到嘅事件。以下係討論區男網民票選最接受唔到女生嘅3大不衛生行為，睇下自己有無份！

唔洗頭瞓覺

可能男人通常都有用髮泥去Gel頭嘅習慣，多數男人都係每日洗頭；一見到有女士唔係日日洗頭，難免會問「咁多頭髮唔會收埋好多塵咩？」吸晒街上嘅細菌入去，媽，好驚呀！

唔落妝瞓覺

同樣地，女士出街就要化行妝，但反而返到屋企又未必要全力落妝，好多女仔甚至面唔洗妝唔落就攤上床瞓；對於男仔而言，除咗覺得個枕頭實痴晒嘅妝之外，仲會諗起面上每個毛孔都被化妝品塞住，好難接受！

唔刷牙

女仔貪靚就當然，牙齒要潔白要整要整齊，但原來呢啲全部都係做個樣，因為好多女仔係可以接受自己唔刷牙，當然唔限早上定夜晚，刷牙其實係好講究嘅事，估唔到女仔可以Skip咗！