戀愛系：做情聖事必要靚仔有型 只係一廂情願嘅諗法

講起鄧健泓，大家可能會記得佢多首曾經燴炙人口嘅金曲，不過更多記得嘅，應該係佢多蘿蘿嘅一堆舊情事。雖然啱啱娶咗拍拖多年，年僅13年嘅石詠莉為妻，不過講起佢嘅前度，真係位位都堪稱「女神級」。從原子鏸、李施樺（李詩韻）、龔嘉欣、張嘉兒、及至現任太太石詠莉，都係唔少人心中認為「佢襯唔起」嘅女人。但大家係批評嘅時候，又有無諗過，都唔算「靚仔有型」嘅鄧健泓，係點樣獲得一眾高質女人嘅歡心？或者睇完今集呢個節目，大家會再清楚啲。

多才多藝

凡迷倒女生嘅，除咗膚淺嘅靚仔有型，都唔夠長久嘅才藝咁屈機啦！鄧健泓唱歌就一定無問題，但原來好似今集節目咁，用Minions把聲唱歌都掂，高音甜中音准低音勁，連監製都話佢「咬字清」，問你服未！

堅持氹老婆

當日鄧健泓話希望用Minions氹老婆，奈何結婚時趕唔切，但佢仍然念念不忘；更難得嘅係好多男人，將一切驚喜都放喺婚前；婚後就一切平舖直敘，唔會再有咩驚喜，覺得「老夫老妻」唔使搞咁多嘢。

幽默感

幾時都話「認真搞笑的男人最迷人」，鄧健泓同老婆相處之中可見到，原來佢處處都以互相取笑嘅方式去同老婆相處；嗱嗱嗱，你成個金城武、吳彦祖就當然可以扮型，但如果唔係喇喎，唔該你多少少幽默感啦！