戀愛系：原來香港26歲嘅男女 要分手過4次先叫合理？！

分手係塵世間其中一種最痛，相信無乜邊個未承受過分手之痛，即係俗啲講句，無理由從來得你飛人，無人飛你掛？早前一個調查訪26歲以下嘅男女，發現平均分手次數高達4次，即係話假切你宜家26歲，如果你之前未分過4次手，你已經係落後於大家，係拖緊後腿！至於對於呢班年輕人嚟講，最傷心嘅分手時間，有一半人都答係14至15歲期間，正值開始了解何謂感情嘅時段，所以亦係最傷心，但隨住年紀，分手嘅傷痛會愈嚟愈細。其實失戀有時候唔一定係壞事，而且好似呢班受訪者咁，可以愈早開始接觸分手失戀，愈會對感情理解得深架。

失戀自救成習慣

當你14、15歲已經體驗到分手失戀之苦，對於如何走出呢個陰霾同如何自救，應該有所經驗，如果係咁，其實相當你打機升level，累積得愈多，自然愈高級，到之後嘅失戀，可能傷痛嘅感覺唔會咁明顯。

睇清對象先出手

當你分手得多，漸漸開始你唔會好似初初咁易愛上人，因為可能你會認真考慮今次呢個對象係咪可以維持到，唔想再經歷失戀，惟有認清目標，反而令你有所長進，唔會因衝動而開始一段感情。

了解身邊人

係呀，每次失戀，你會發現無咗個男朋友，但身邊多咗好多朋友或者家人，原來自己拍拖時經常忽略嘅家人同朋友，係自己失戀之時係就會伸手幫助，當你失戀之時，就係認清身邊人嘅好機會。

圖片來源：擷取出電影《原諒他77次》