戀愛系:女朋友因為太高 私藏高跟鞋畀男朋友打

自古以嚟,男女拍拖嘅身高差都係千古不衰嘅話題,尤其萬一高嘅女仔同矮細嘅男仔一齊之時,就有排畀人講。不過都唔夠早前大陸一單新聞咁極致,話說有一對就快結婚嘅男女,因為女方身高一向比男方高一、兩吋,男方已經靭令女方唔可以著高跟鞋。就喺雙方已經訂咗婚,男方去女方屋企商討結婚細節之時,竟然發現女朋友仲收埋一對高跟鞋,男方即時大怒,話女朋友呃佢話已經「燒晒所有高跟鞋」,仲話佢唔忠貞,收埋好多秘密,愈講愈嬲就直接打佢,最後唔單止結唔成婚,男方仲要負上刑責。其實都差唔多2018年,仲幾緊張呢啲身高嘅嘢?其實女人高咪高囉,對男人而言一樣大把好處!

出得廳堂

話我傳統都係咁話,其實男人好現實,有個見得人嘅老婆真係會唔介意成日Show Off,一個標準Model身高嘅老婆,絕對可以畀男人喺其他朋友面前有優越感!

下一代著想

男人好奇怪,唔希望自己老婆太高,但又唔介意自己個女太高喎!所以如果你有一個高嘅老婆,生出嚟嘅下一代,男嘅固之然好,女嘅有Model身高亦非常標青好睇。

形象堅強

做男人嘅,就算自己唔喺老婆身邊保護佢,都唔希望老婆會比人恰架;如果一個身型高大嘅女人,睇起上去都特別有氣勢有威嚴,咁畀外人睇低、欺負嘅機會都少啲。