戀愛系：嫌老公層樓細 新婚新抱想同奶奶換樓

新結婚倆口仔，香港地最難解決就係住屋問題，如果有一層一房嘅單位，其實已經好開心。不過近日討論區有位新婚太太就話，覺得自己夫婦住緊嘅一房單位太細，如果日後要生仔都唔知點算，然後想同奶奶換樓，因為奶奶住緊係兩房而且有會所，好啱小朋友喎。其實原本都好似無乜問題，大家傾下，可能奶奶都唔會計較太多；但原來睇落去，呢位太太住緊嘅一房單位其實都係奶奶買嘅！即係由始至終佢同老公都係免費住緊，然後仲覺得唔夠大，想換奶奶棟新啲又大啲嘅兩房？其實居住問題，從來都係好影響夫妻關係，呢個情況甚至影響埋婆媳關係。不過都唔係一面倒好多人鬧新抱，正反各有支持，大家點睇？

反對新抱：

已經唔使錢畀你兩公婆住，坦白講已經好過香港大半嘅新婚夫妻，但人心不足蛇吞象，竟然仲覺得唔夠大想換奶奶住繄嘅樓。就算奶奶肯，你哋又忍心老人家要搬屋咁辛苦？要搬離老街坊重新適應新居住環境，唔係所有老人家都做得到架，你有想過其他人嗎？沒有，因為你眼中只有自己。

支持奶奶：

其實呢位太太要求已經好克制，由始至終佢無話要求加自己個名落層樓到，已經好過好多女人；再者老人者住兩房新樓，按理性咁睇又真係無太大需要，甚至唔合乎經濟效益，唔能夠善用資源。而且兩公婆有咗小朋友，老人家都一樣係開心事，可以話Win Win！