日本10件Should do與Shouldn't Do的事

日本人出晒名喺禮儀之邦，見佢哋係地震災區都會排隊買日用品，就知道，禮儀係佢哋心目中，已經入晒血。所以，就算你自己有自己文化嘅禮儀，去到人哋地方，唔該就尊重返人哋嘅文化。以下應該同不該做嘅事，唔該去日本前，一定要睇睇。

Should do

1. 除鞋
日本重視清潔，基本上入到旅館、人哋屋企、寺廟等，都一定會除鞋入去，更加唔會著穿窿襪，但你又唔使驚，主人家通常會準備拖鞋。

2. 按指示
日本人好守規矩，去到日本，唔難發現周圍有好多警示標誌，提醒有咩可以做做，有咩唔可以做。如果去到一個景點，不妨留心啲，睇下指示，以免觸犯到人哋嘅規矩。

3. 食麵食出聲
香港人嘅一般禮儀，喺食飯果陣唔應該食出聲，但喺日本就唔同，食拉麵果陣要食到大大聲，咁喺代表好味，喺對廚師嘅尊重。而且，要食到有聲，個口不能閉著嘴，張大個口，D汁先唔會彈到周圍都喺。

4. 音量降低
日本人習慣講嘢嘅音量比較細，保持環境安靜，尤其係地鐵同巴士都嚴禁講電話當然有啲地方就歡迎大聲喧嘩，例如︰卡啦OK、居酒屋、遊樂場等。

5. 靠左行
日本係規定汽車「靠左行駛」，所以，日本人都習慣「靠左行」，行街、搭電梯都係咁。

Shouldn’t Do

1. 凝視別人
我哋覺得，要望住人哋對眼講嘢，係基本禮貌，但係日本，就會令人覺得唔舒服，所以，同日本人講嘢，可以望住對方頸或額頭。

2. 觸碰別人身體
日本人都係含蓄嘅民族，擁抱、攬頭攬頸，觸碰到身體嘅動作，盡量少做。

3. 玩筷子
同中國人一樣，筷子係唔應該拎黎玩，敲枱、敲杯就一定唔得，磨筷子都唔係太好。

4. 俾小費
對酒店職員、司機、侍應，俾啲少費，好正常，但日本，多數會拒絕。

5. 壓力大
壓力喺指睇完咁多日本應該同不該做嘅事之後，或者真係會有啲壓力，但其實，日本人又唔會期望外國人會明白晒佢哋嘅規矩，如果真喺唔小心觸犯到，只要態度友善，不知者不罪，大家都會體諒。

相片來源：absolutminimum @tumblr