有數計：黑白配？孤寒人士愛與敗家仔做朋友

Yahoo有數計

細細個成日得阿媽提點，近朱者赤近墨者黑，叫大家唔好群埋咁多壞人。原來，人，未必真係鍾意累鬥累架！美國賓夕凡尼亞大學最近研究顯示，對「錢銀」觀念非常唔同嘅人，反而更有機會做朋友，即係孤寒嘅人反而鍾意同使錢如倒水嘅人做Friend，甚至結為伴侶。

心理學家發展咗一份名為「敗家仔與孤寒鬼」（Tightwads and Spendthrifts）嘅研究報告，其實人唔一定要好有錢先會成為「敗家仔」，敗家與否取消於「用完錢一刻嘅感受」（Pain of paying）。當一個用錢之後感到莫大痛苦及內疚感，就可以認定係「孤寒鬼」，而偏偏呢種人又非常討厭自己呢種性格，但奈何改變唔到，於是乎就開始仰慕大方嘅人，即係用完錢一刻仍然感到非常愉快嘅人。

結果呢兩類人就會變成好朋友、甚至結合成夫妻。所以大家好多時候會發現，夫妻之間，必定有一個係比較揮霍，另一個就節儉一啲，原來真係有數得計架。