有數計：擇偶時女人聞氣味 男人看樣貌

成日都話第時揀男女朋友一定要點點點，但其實真正嘅擇偶條件係咩呢？有科學家發現，原來唔單止視覺會影響擇偶，甚至連嗅覺都有關！


德國科學家曼弗雷德·米林斯基嘅一項研究發現，人喺選擇伴侶時會本能地憑氣味判斷對方係咪適合自己，佢解釋呢種依靠嗅覺輔助辨別心上人嘅功能係統人體嘅免疫組織有關。因為當人互相靠近時，身體散發出嘅氣味會被對方通過嗅覺感知，並且判斷出會唔會引起體內組織器官嘅不適。


但有趣嘅係，對方體味嘅辨別其實唔會受到外界氣味影響，即係話就算噴幾多香水都好，最多係增加對方好感，但唔會起到決定性嘅作用，因為嗅覺嘅辨別能力係透過長期進化過程而形成。


而同時亦有研究發現，呢種女性對嗅覺辨別比較敏銳，而男性傾向觀察對方外表，依靠視覺擇偶。紐約布朗大學一項研究顯示，男性對異性體味冇乜特別追求，反而會特別注重女性對眉。佢哋認為眉毛生得高嘅女性比較有魅力，相反堂眉低垂嘅女性就麻麻哋喇。相反，女性就注重男性身上發出嘅氣味，因為體味反映出每個人嘅免疫系統狀況，女性有自然能力憑住唔同體味，辨別同甄選唔同男性嘅抗體，令自己有最大機會孕育出健康嘅下一代。


唔知各位又有咩擇偶條件呢？