江鈺源做第三者 程菲慘變大媽？

近日新聞傳出中國08京奧勇奪團體金牌嘅女子體操隊成員之一，江鈺源做人第三者，仲教個男人點樣可以同老婆離婚，似乎睇緊戲咁誇張。而其實江鈺源自2013年退役後就重返校園修讀體育。詳細偷食事件唔多講，新聞都講晒，不如睇下08年呢隊金牌女子隊其他幾位成員去向如何啦。

程菲變大媽

隊長程菲可以話係近代中國女子體操代表人物，其自創嘅鞍馬項目更被專稱為「程菲」跳；事隔11年，程菲人形走樣，目前自己開設體操學校而且擔任主教練。

楊伊琳做網紅教人運動

有「小章子怡」之稱，廣東人，一位全能型體操選手，可惜未能得過奧運個人獎項；2013年退役後楊伊琳入讀北京大學體育系，畢業多從事社會公益運動，例如向市推廣運動健身等，同時變時一位網紅。

李珊珊做作家出書

平衡木了得嘅李珊珊，被稱為「平衡木皇后」，17歲就急流勇退，於大學讀學士及碩士；2011年出咗本個人寫真兼自傳《我是我的平衡女王》，於故鄉湖北黃石開設運動中心，以訓練人嘅意志為主。

何可欣做評逑員

何可欣 08年首次亮相奧運就獲得個人高低槓金牌，技驚四座；退役後同樣入讀北京大學體育系，由於樣子標緻，畢業後佢得到唔少幕前機會，例如上電視台唱歌，客席體操比賽旁逑等。

鄧琳琳做政協

同樣係顏值極高嘅仲有鄧琳琳，擅長平衡木，於2012年倫敦奧運得到女子平衡木金牌；2013年退役後目前係安徽政協，天生靚女又可愛嘅佢醉心於社交網體，經常出直播同網民互動。