獸性大發：從貓貓毛色睇出唔同性格 黑貓白貓灰貓大不同

獸性大發

我知我知，全天下嘅貓奴，都一定會讚自己嘅貓主子係最乖最聽話；但其實貓主子嘅性格係點？原來唔係你自己話就係架，根本就係有樣睇，仲要係睇貓嘅毛色就已經知！美國早前一個研究，就1,300隻貓貓做調查，得出咗唔同毛色嘅貓，原來係有一定嘅性格特質，大家睇完，可能會對自己家嘅貓主子再多一啲了解都未定喎。

黑貓：

鍾意對人類撒嬌，喜歡親近人類。性格平穩，聰明，感情豐富；但對食物有嚴格要求，非喜歡嘅食物都唔會放入口。

白貓：

優雅有氣質，聰明友善，雖然性格獨立但偶然會喜歡親近主人；雖然如此，但大部分時間都係對人有一定距離，仲有少少自我中心。

灰貓：

喜歡偷偷收埋自己，唔鍾意表達自己對人類嘅愛意，性格比較陰沉；但其實佢哋內心善良，只係唔識點表達咋。

黑白雙色貓：

對陌生人極具戒心，絕不會輕易被陌生人接觸，天生好動無時停，就算被主人抱住都會掙扎逃走；天性開朗活潑。