芝士控召喚! 6大爆芝美食
正所謂”There’s no such thing as too much cheese” (sorry,係小記啱啱作嘅),芝士永無嫌多,只會嫌少。無論係Pizza /三文治/火鍋或意粉,只要有熱辣辣,半溶芝士作伴,吸引度即時直線上升!趁近排天氣開始涼,個肚特別易餓,芝士迷,出動喇!
流心芝士龍蝦三文治 $108 (連薯條)。曝光率最高的item,幾乎是每枱必叫。厚身麥包內夾了龍蝦肉(加拿大龍蝦)及3種芝士,包面橙橙紅紅的其實是龍蝦膏,包身烘得脆脆,趁熱拿起,半熔芝士混雜龍蝦肉像瀑布一同傾瀉而出,隔住個mon都聞到芝士香! (tips: 只限每日6pm前供應)
3種芝士分別是車打芝士、水牛芝士及一種大廚不肯透露的芝士。最搶的是微鹹的車打芝士,mozzarella cheese則煙煙韌韌,龍蝦肉雖然不算很多,但間中食到又幾鮮甜。
Lobster Mac &Cheese $208。唔一定要下下拉絲先等如多芝士,這mac and cheese配龍蝦肉加一大個蝦鉗,灑上大量巴馬臣芝士去焗,一樣啖啖都有芝士香。平時mac and cheese都用細通粉,今次改用粗身通粉,大廚說是因為想通粉中間可以「攝」多些龍蝦肉,鹹鮮並置,更香口。
>>>Day and Nite by Master Kama
地址:旺角山東街1-2號50樓
電話:3106 0900
泡菜海灣芝加哥 $189(9吋)。洋蔥、蘑菇、鮮蝦、蟹肉棒、火腿、泡菜(不算多)、青椒等配料外,最最最正當然係pizza底及批邊都加入double份量的水牛芝士,你見到pizza邊脹卜卜,就因為裡面釀滿芝士。
拉起的芝士像個小瀑布,加埋pizza底(配料下面)放了超多mozzarella cheese,入口勁煙韌!雖然有少少搶去pizza本身酸酸甜甜的味道(有點像千島醬),但芝士迷唔會唔收貨啦。因為芝士多,怕鹹味太濃,所以特地在批邊灑上糖霜及杏仁片,平衡一下。
太陽蕃茄芝加哥 $163(9吋)。另一「爆芝」item,配料是常見的辣肉腸、烤肉、蕃茄、茄醬及double份量的水牛芝士。
這款pizza的「芝士瀑布」比上一款更誇張,趁熱拉起,芝士絲可以長過手臂!
除了煙煙韌韌的芝士,酸咪咪的蕃茄最出。特別一提是pizza餅底的麵糰內加了「黑米」,因此更脆身,帶微焦的米香。
>>>Pizza Maru
地址:銅鑼灣軒尼詩道500號希慎廣場13樓1302舖
電話:2318 1012
玫瑰芝士女神雞 $188(另配飯)。燒熱的鐵板上鋪滿mozzarella cheese,再層層疊了炸雞(已去骨)及巨型薯角,吃前店員會再淋上大量熱辣辣的水牛芝士。
勁多芝士!就算放在最底下的炸雞都沾到。
鐵板還會放在火爐上,等芝士慢慢溶掉(芝士底加了少少茄汁及辣粉),包著炸雞,啖啖爆芝啖啖肉,辣辣地。雞肉算滑,帶點肉汁,不過唔緊要啦,都俾芝士味搶哂,正!
茲樂茲樂美極了 $168。類似carbonara汁的微辣版本,意粉炸雞面是焗溶了的芝士。
芝士同樣俾足,拉絲不成問題。意粉份量不多,幾creamy,少少辣夠惹味。
>>>ChirChir Fusion Chicken Factory
地址:尖沙咀寶勒巷6-8號1/F盈豐商業大廈
電話:3105 2302
同場加映:龍蝦豐盛拼盤 $498(2人用)。尖沙咀這間韓式fusion餐廳最近推出這以羅宋湯做湯底,再加大蜆及泡菜的火鍋。2人餐有齊龍蝦(或可選韓牛)、肥牛、豬腩肉、冰菜、羽衣甘藍、粟米紫薯等。
等個鍋慢慢滾起,再將一碗芝士粒倒下。再滾幾滾,就會聞到好香芝士味。
Tips是在芝士未完全溶化前,淥一淥牛肉(或任何配料啦),沾上半溶芝士,入口的芝士味雖然不是很濃,但都比點豉油多個選擇啦。
>>>The Joomak
地址:尖沙咀廣東道17號海港城海運大廈3樓LCX 34號舖
電話:2111 0851