葡萄友：做慈善為封爵 係人做慈善都有目的？

由足球巨星變成國際名人嘅碧咸，一向形象正面熱心公益，幾乎好事做盡而零負面新聞。而且自退出球壇後一直專注於慈善公益，四圍飛出席活動為各個組織籌錢，完全係一個大暖男大善人！不過最近有Hacker入侵碧咸電腦，仲聲稱搵出好多封碧咸與其他人嘅Email，當中提及到好多次自己希望得到爵士頭銜，仲好葡萄其他人，問人「憑什麼」可以封爵，而且仲顯多次籌款活動都要求主辦單位支付出場費等雜費，同時亦拒絕自己捐錢：「我不想把自己的錢放在這裡，這是我自己的錢（my fxxking money）。雖然碧咸就已經透過公關公司向傳媒否認，仲話電郵係經Hacker修改；不過不禁令大家思考究竟公眾人物係咪真係內外如一，定還是根本一直只係做戲？莫講話公眾人物，就算平時嘅打工仔，何嘗唔係日日戴住假面具做人？返工一個樣，放工一個樣，是常識吧？

忌講真心話
俗言有云「防人之心不可無」，雖然老土但絕對幾時都啱聽，公司愈大員工愈多，是非自必然愈多，好多時返工係要見人講人話見鬼講鬼話，絕對唔好口直心快，講出真心說話得罪其他人而不自知，所以每句說話都要諗過度過呀！

做事講目的
雖然好似好功利，但大家要記住返工係為咗賺錢，唔係交朋友，所以大家係付出勞力嘅同時，一定要為自己前途著想；老闆最鍾意咩人？就係咩都話好、唔識拒絕嘅人；同事亦一樣，知你乜都無所謂，實樣樣嘢塞晒畀你，好現實呀。

討好老細
碧咸電郵其中一封係講佢出面反對蘇格蘭獨立，原因係想討好英國皇室，增加封爵機會；同樣地大家返工，要支持嘅一定係老細而非其他人，有時明明其他Team有Point啲，但為咗自己前途著想，點都要出盡力撐自己老細呀知無？

圖片來源：cutemichaelgirl@tumblr