話時話：初入世畢業生 遇不如意事應點做？

呢排睇大台嘅《使徒行者2》成日都見到翠如BB，唔好睇而家翠如入大台後，連配角都唔使做，直接喺《心路GPS》登上女一之列。而家要做女一又得，要跟DO姐出去威威又得，事業上要風得風，要雨得雨咁，原來今年係翠如BB入行13周年。事實上，翠如BB係娛樂新聞台出身，月薪由七千做起，令她經常懷疑自己。尋日13周年日，佢忍唔住以過來人身份，比正能量大家。

翠如BB留言如下：

「剛剛十三年了。

我是由娛樂新聞台出身的。

那時，月薪由七千做起，一班剛畢業的人，穿上借來的名牌衣服，影了一張好像有點型格的合照。

十三年前的自己，或許你經常懷疑自己，覺得自己所做的事情不是特別出色，但你不用覺得寂寞，因為十三年後的你，也是有同等的懷疑。但只要努力，保持初心，不要計較地默默地走，你也會有自己的一片天空。

更加重要是，即使跌倒，沿途風光其實也不錯。

為你打氣，黃翠如。

也為各位打氣。」

當然作為初入世的畢業生，好多時都要由低做起，遇到不如意事，又應該點樣面對？

珍惜所有機會

唔好介意人工少，總之珍惜所有機會，唔好怕蝕底，當攞個經驗或識多D人。

慢慢探索目標

唔好怕自己未搵到方向，因為好多時船到橋頭自然直，做多幾年野，好多時都會搵到出路。

人脈好緊要

多個朋友好過多過敵人，盡量識多D朋友，對你未來事業一定有幫助。

相片來源：黃翠如 Priscilla Wong ＠facebook