話時話：拍拖耐咗感情變淡？ 維繫感情的4個方法

講起容祖兒同師兄劉浩龍呢一對，絕對係愈愛愈低調，5年前師兄高調公告戀情，期間成日都被影到一齊行街食飯等等，可惜近呢年都唔見佢地走埋一齊，而今年情人節更各有各過，攪到外間盛傳佢手已分！睇返佢地IG ，近期都無出現過對方的相片。祖兒即使放假都同蔡一智夫婦去做gym，晚上再去睇美國著名男歌手John Legend演唱會，全程無男友。而男方係情人節翌日Post文話屋企人去曬旅行，自己一個煮團年飯比自己食，單身感覺甚濃。

不過唔好理佢地分手未呀，一對情侶過咗熱戀期，更需要去小心經營呢段感情，因為新鮮感過後，好多問題都會浮面，嗌交機會都會大大增加。所以拍拖久了，大家必需做以下呢4件事，去努力維繫感情。

每日保持聯絡

無論大家有幾忙，一定要每日保持聯絡，那怕係臨床前講下電話，定係食飯個陣Whats app下，每日了解下彼此的生活係好重要的。

細心聆聽對方的事

記住兩口子溝通好重要，記得唔好一味只有自己講，要細心聆聽對方的事，再比適當的意見或反應。

多同彼此朋友聚會

兩口子來來去去都係行街睇戲食飯，不如嘗試叫埋朋友一齊去玩，話題都多D。

一齊嘗試新事物

做一D平時唔會做的事，為平淡的生活帶來衝擊。如果呢件新事物雖要兩口子一齊合作的話，更可以增加兩口子的合作性。

相片來源：yungchoyee，lauholungwilfred@ig