話時話:旁人怕講錯野 兩夫婦感情破裂的4大細節
視帝王浩信事業得意,但佢同太太嘅關係都重係一個謎。話說頒獎禮當日,太太陳自瑤Yoyo則留在家中,而女兒則由祖母陪同到現場支持爸爸拎獎。而王浩信係台上多謝咗好多人,最終都有輕輕提一提太太個名,但事後係FB上載多張相,都無太太蹤影。至於Yoyo成為視帝太太理應上載一張半張相嚟祝賀下老公,點知Yoyo只係Upload咗去睇Lego同拍劇照片,半句都無提及老公得獎。
雖然視帝夫婦而家係咩關係唔知啦,但其實兩夫婦感情破裂,旁人都總可以係細節中洞悉得到,唔想唔小心講錯嘢,不妨留意下佢地有無呢4個情況出現。
唔Post對方相
如果兩口子有問題,佢地都唔會Post對方的相片上社交平台,亦都很少留言或比Like對方。
感性Caption
畢竟有可能婚變,佢地總會有意無意係社交平台打一啲感性Caption,又話要堅強呀努力之類。
單拖赴會
以前兩個人糖黐豆,但突然一方總係以工作為由,唔出席聚會。
避談對方
如果有人問候另一半的近況,佢會Hea答話,然後一副唔多想提對方的樣子,呢個時候你記得識做啦。
相片來源:chenchiyiu @ig