話時話：熱戀期冷卻?3大方法令愛情重新升溫

林峯同吳千語雖然年紀差14年，不過一啲都冇阻礙呢段情，拍拖5年幾不時被影到甜蜜外遊，仲以為佢哋會開花結果，點知近期經常傳出佢哋分手，日前阿峯出席活動，坦承兩人各有各忙只係間中聯絡，就連佢生日千語BB都冇陪佢慶祝亦冇送禮物，唔通兩人5年就癢，感情轉淡，甚至已經分咗手?

情侶一齊耐咗，感情難免變淡，如果想keep住熱戀感覺，一定要兩個人一齊付出努力先成事，不妨參考以下3個小方法:

1.計劃難忘之旅

忙碌生活令人疲憊，喺香港好難享受拍拖激情?去旅行一定係最方便又快捷嘅方法!去到外地咩都唔諗，靜靜地享受二人世界，唔理吃喝定玩樂，眼中只有對方，共同創造更多美好回憶。冬天係最浪漫嘅季節，近近哋去日韓睇雪都夠難忘吧!

2.重遊相識地

想搵返啱啱拍拖時對方畀你嘅心跳感覺，不妨搵日重遊兩人初相識嘅地方，多少往事甜在心頭…然後，你哋會更加珍惜對方！

3.製造驚喜

Surprise冇人會唔鍾意，唔一定係要送名貴禮物先叫做驚喜，最重要係令對方feel到你肯為佢花心思，感受到被人愛錫先係最重要。

圖片來源：ig@lam_fung_official、ig@karena_ngs