話時話：爸爸受軟唔受硬？趁父親節學下點同佢相處

吳日言（Yan）係圈中星運平平，不過佢係感情方面就好穩定同幸褔，舊年就同拍拖17年嘅男朋友成婚，由爸爸陪住出嫁嘅Yan，感情䀆在不言中。於單親家庭長大嘅Yan，自兩歲起就同爸爸一齊生活，但原來大家關係並唔理想，直至02年養咗狗狗後關係先有改善仲變得愈嚟愈好。Yan直言細個時唔識諗，唔知父母點解會分開亦都唔明白點解爸爸一直都咁慳，仲試過離家出走。直到而家人大咗亦有自已嘅家庭時先至明白爸爸一路以嚟嘅付出同苦心。

好多人同爸爸嘅關係可能都比媽媽無咁好，因為爸爸總畀人一種嚴肅內歛嘅感覺，比較難親近。父親節就到，除咗係呢一日都要對佢好之外，不如亦都學下試下點樣去同爸爸相處？

嘗試理解

父母做嘅每一件事，其實都係為咗子女嘅著想，佢地做嘅野或者決定子女可能都唔鐘意唔認同，尤其係爸爸未必會主動地去解釋只會默默做。如果能夠由佢嘅角度出發同思考，大概能明白佢嘅苦心。

做好本份

當子女能夠做好本份過好自己嘅生活，例如讀書、工作、交友等方面都好地地，唔需要爸爸去操心擔心，佢自然會感到安慰同放心。

多倍伴

我地細個時都係屋企同爸爸多接觸得多，但漸漸人大了就要工作、有朋友、有家庭後同爸爸相處嘅時間同機會自然會少咗。作為子女都應該預留番啲時間，去探下佢、陪下佢傾計，珍惜大家相處嘅時光。

撒下嬌

無論幾大個都好，係爸爸嘅眼中我地永遠都係長唔大嘅小朋友，係適當嘅時候撒下嬌扮下傻或者氹下佢，需要爸爸嘅幫手，等佢覺得自己依然係被需要嘅一家之主，呢份成就感係不容忽視嘅。

相片來源：yan512@instagram