話時話：夫妻唔離都未必恩愛 4個唔分開的原因

王浩信近年來緋聞不斷，婚變消息亦無間斷過，幾乎每傳一個新緋聞女，就傳一次老婆要離婚嘅消息，不過咁樣嘅情況之下，呢段婚姻都維持咗7年，呢個三口之家認真唔容易啊。雖然太太陳自瑤係IG發表左疑似想離婚嘅抒情post，不過都無辦法證實真係要分開嘅。雖然唔離婚，但兩公婆係咪恩愛就好存疑啦。其實好多夫婦可能都係咁，咁到底點解唔再相愛，但又唔分開呢？

1.為咗小朋友

好多人以父母咁長久個感情為目標？你以為真係對夫妻都恩愛幾十年咩？好多時候都係為咗小朋友，姐係你啊！為咗令小朋友係一個父母齊全嘅環境帶住愛去成長，有美好嘅童年，有父親母親嘅形象維持心智健全發展，好多夫妻可能都因爲呢d想法而無選擇離婚，慢慢由同伴侶昇華至親情，先可以一直同行至滿頭白髮嘅年紀。

2.唔想親友面前無面，各自各精彩

電視劇都做啦，好多有錢人嘅元配明知老公有小三四五六，但一切照舊，當無事發生睇唔到。唔只有錢人，普通人都愛面子，畢竟離婚都唔係一件太光彩嘅事，大家一定覺得唔係男方花心，就係老婆惡頂。與其被大家認為係婚姻嘅失敗者，甚至負心漢，倒不如當無事，係親友面前繼續一切如常，私下就各自嘅精彩啦。

3.唔想女方分身家

唔好以為女人就一定係被拋棄嘅糟糠之妻，好多時都係女人拎返個主導權嗌離婚先，但就不得要領。原因好簡單，男方唔想分一半身家俾你囉，所以死攬住你唔放。可以點？我都唔知啦，一係自願放棄佢份身家，瀟灑離開佢啦。

4.無第三者就維持現狀

無小朋友、無第三者，無興趣搵過新的對象，而且唔憎現有的伴侶，可能只係無咗激情同愛情，不過唔代表唔可以繼續一齊。朋友式或者親人般繼續一齊生活，都無咩唔好姐。

相片來源：陳自瑤、王浩信IG