話時話：香港文明嗎？日本3個專為女性而設的設備

繼「欄后」呂麗瑤同麥明詩分別係網上自揭曾被性侵後，陳敏之尋日出席活動時，亦都開腔話自己十四、五歲時亦試過搭地鐵被掀裙底。話說敏之讀書時已開始做Part Time model，所以成日着住校服去casting，點知有次逼港鐵之際，突然覺得後面好涼，自覺被人揭裙底，於是佢喊住咁衝出地鐵，由於當時太迫，佢根本唔知道邊個係「變態佬」，攪到而家佢搭地鐵都會黐牆企，同擺個狠樣出嚟。而佢亦贊成設立女性車廂，同鼓勵女生學防狼術，令女性們更有保障。

其實香港作為一個「文明」社會，又真係無咩特別為女性而設的設備，反觀世界各地都有唔少專為女性專用設備，尤其係日本，以下呢3種設備，絕對值得香港參考參考。

女性車廂

日本電車好多癡漢，為了確保女性乘客的安全，女性專用車廂因此誕生。雖然日本唔係所有列車都有女性車廂，而且不同地區有不同時間限制，但一般嚟講，繁忙時段都可以防止人多「趁火打劫」的機會。

女性專用廁所

日本唔少交通工具都設有女性專用洗手間，好似2010年ANA宣布於國際線設女性專用廁所，而北陸新幹線本都有，目的係免去一開廁所門就面對面見到個男性的尷尬場面。

女性專用酒店

近年，日本酒店都出現唔少「女性專用膠囊酒店」、「女性專用樓層」等等字眼，令住客們都住得安心。

相片來源：陳敏之 Sharon Chan ＠facebook