香素煎蓮藕餅
星期六做嘅素蓮藕餡料,
除咗整酥炸素豆腐卜外,
仲可以整埋個素煎蓮藕餅添;
所以話呢,
呢個素蓮藕餡料,
真係可以整好多美味嘅素食架!
材料: 素火腰漿300g、蓮藕一節、甘筍1條、冬菇10隻、雞蛋1隻
調味: 豉油1湯匙、糖1茶匙、粟粉3茶匙、胡椒粉少許、麻油少許
做法: 冬菇浸軟切粒;蓮藕和甘筍去皮刨絲,用廚紙索乾水份後放入大碗中,
加入素火腿漿、冬菇粒、雞蛋和調味攪勻,放入雪櫃雪1小時左右;
落多少少油燒熱易潔鑊,將素蓮藕餅用手搓成圓形壓平,
用中小火慢慢煎一面金黃色後,先反轉煎另一面至兩面金黃色便成。
(一定慢慢煎一面定咗型先,唔係蓮藕餅好易散架!)
~記得要將刨好嘅蓮藕絲和甘筍絲揸乾水份,唔係個蓮藕餡會出好多水架!大家可以入嚟Facebook讚下我新開嘅Fans專頁呀!
作者: 雀后