Yahoo Travel HK
點解機窗係橢圓形？飛機冷知識
一架飛機可以飛上天，一啲都唔簡單，背後充滿好多科學知識，例如點解機窗係橢圓形？唔好以為只喺美觀設計咁簡單，係因為第一架民航客機以方形機窗設計而出現空中解體，後來發現方形機窗喺飛機金屬疲勞嘅脆弱點，而橢圓形機窗就可以提高抗金屬疲勞強度。
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
大家唔難發現，機窗都會有個細孔，喺用黎平衡飛機內同外嘅空氣壓力，提高飛行安全之餘，更加喺防霧、防霜。機窗亦分內、中、外三層設計，每層之間留有空間，都喺用作調節壓力。飛行途中，遇著行雷閃電好似好可怕，唔知會唔會劈到架飛機？放心，有機長話，就算真喺俾雷電擊中，其實飛機好少，甚至冇損傷，而且，一架飛機，每年至少會被擊中一次，所以，小事啦。
相片來源：100neww ＠Tumblr
開門要門匙，揸車要車匙，咁揸飛機呢?飛機唔同啲，唔使用匙。只要撳掣就可以撻著架機。
相片來源：mpieracci ＠Tumblr
飛機唔准食煙，但廁所點解重會有煙灰缸?以前飛機上面的確可以點煙，後來就算禁咗，但仍然喺法律要求有煙灰缸。又話萬一，真喺有乘客點咗煙，有煙灰缸都可以即時處理。
相片來源：thatqueerwandering-earthchild @tumblr
喺高空特別易飲醉?有人話喺高空，空氣稀薄啲，身體易受酒精影響，聽落好有道理咁，但都喺好多人嘅錯覺。機艙有供氧系統，基本上同地面冇分別。或者太High，所以易醉掛。
更多相關文章
