10大世界奇特主題樂園
你睇上海迪士尼淪陷，就知主題樂園嘅吸引力有幾大。早前介紹過巴西將有性愛主題樂園，內裡按摩棒任玩、陽具碰碰車任坐。事實上，全球都唔少特色主題樂園，主題奇特，而家只此一家，去旅行不妨見識一下，就會知世界上唔止得迪士尼同環球影城呢兩個主題樂園！
Ferrari World法拉利世界
位於阿聯猶阿布扎比嘅亞斯島，2010年開幕嘅法拉利世界，喺全球唯一嘅法拉利主題樂園，入面擁有世界速度最快嘅過山車。
相片來源：blvck-era @tumblr
兒童共和國(Republic of the Children)
阿根廷一個以模擬城市為主題，入面有教會、餐廳、酒店、碼頭、機場等等嘅設施，但建築大小同設計，都喺以兒童為主，小朋友做呢個共和國嘅話事人。
鱷魚洞(Crocosaurus Cove)
竟然以鱷魚作主題，好明顯想吸引鍾意刺激，唔怕死嘅遊客。入面有個籠，將參加者吊入鱷魚潭入面，超近距離「欣賞」餵食鱷魚嘅情況。
相片來源：agypsycrystal @tumblr
迷你歐洲(Mini Europe)
位於比利時嘅迷你歐洲主題樂園，創於1951年，好似我國世界之窗咁，將歐洲出名景點嘅迷你版，一一展現出黎，即係話，去一轉呢個樂園，等於去咗轉歐洲。呢個樂園好受歡迎，每年吸引到35萬遊客。
相片來源：Tilemahos Efthimiadis @flickr
BonBon Land
呢個樂園叫「BonBon」，喺講緊痾出黎嘅「bonbon」，係丹麥第四大樂園，92年已經開幕，入面有好多動物雕像，都喺痾緊bonbon，以及嘔吐緊嘅狀態，喺連排泄物都會造埋出黎。咁核突，邊個想睇呀?
Isgyvenimo Drama
位於立陶宛，令大家回到蘇維埃時代的主題公園。呢到體驗性好強，入去嘅參加者，都會戴上防毒面具，模擬一位俄羅斯貨倉工人，身處蘇聯時代，要進行好多醫療實驗，仲會學唱國歌。
Parque EcoAlberto
2008年起，墨西哥呢個主題樂園，比參加者試用唔同嘅非法途徑，由墨西哥偷渡入境美國，咁都好玩？
愛樂園(Love Land)
2004年喺濟州開幕嘅愛樂園，以性愛作主題。有好多唔同性愛動作嘅雕塑喺戶外做展示，甚至有部份可作「互動」。呢個樂園對年青成人嘅性智識起到教育作用。
相片來源：Michael Sotnikov @flickr
挖土機樂園(Diggerland)
英國喺2000年開咗呢個挖土機樂園。除咗挖土機，仲有其他建築用嘅大型機器，可以讓大人同小朋友體驗下。
相片來源：jujeh @tumblr
仙泉公園 (Suoi Tien Park)
位於越南，95年開幕，係第一個以佛教作主題嘅樂園。有好多特色路徑同景點，都喺圍繞越南嘅歷史及民間風俗。
相片來源： Amy Vuong @flickr
