《11月11日我哋就光棍，韓國就甜蜜蜜？》

11月11日，係我哋所謂嘅「光棍節」（意思係單身節）。但原來喺韓國11月11日一啲都唔寂寞孤單！因為11月11日喺韓國係類似情人節嘅Pepero Day(빼빼로 데이)，即係朱古力棒日！因為一條條嘅朱古力棒同數字1相似，所以大家喺呢日就會互送朱古力棒畀情人、朋友或者親人慶祝！

Pepero Day嘅由來

傳說，樂天公司當年嘅銷售策略係話呢啲細長形嘅朱古力棒係有「食完可以變瘦」嘅寓意。而喺1994年，釜山有個女高中山覺得呢啲朱古力棒嘅形狀同數字1好相似，於是就喺11月11日發起互送朱古力棒嘅活動，去祝福對方食完都會變苗條，而好快呢個活動就喺釜山各地流傳咗。而樂天公司之後就順勢將呢個活動搞大佢去宣傳自己嘅朱古力棒啦！

後來朱古力棒就演變成寓意友誼長存，或者表達愛意嘅訊息嘞！所以每年臨近Pepero Day，韓國就會周圍都擺放住各種設計嘅朱古力棒，依家已經演變為好似情人節一樣咁熱鬧嘅節日嚕！

一臨近Pepero Day各大商店就開始擺哂啲朱古力棒出來啦～

除咗朱古力棒，朱古力產品喺Pepero Day同樣受歡迎！

包裝好靚嘅朱古力棒！

左邊：「噢！我嘅王子」。右邊：噢！「我嘅女神」。（韓國留學朋友翻譯）