《COD:IW》就係宇宙資源爭奪戰 傳訊總監Eric為大家解答

有好多人都覺得《Call of Duty: Infinite Warfare》以未來為舞台，係太空發生軍事性既戰爭，令人匪夷所思，難以接受。仲有人覺得係為左玩《COD:MW》既Remastered版才會買《IW》，我就同Infiniy Ward既傳訊總監Eric Monacelli傾左幾句，希望大家明白《Call of Duty: Infinite Warfare》點解上太空。

點解《Call of Duty: Infinite Warfare》要以未來作舞台？
Eric指製作呢個遊戲時都有問過一D軍事顧問，其中一位軍事顧問以前係美國既海軍陸戰隊入面既海豹突擊隊一員，佢地認為下一個戰線將會係太空上發生，因為太空上有好多資源，世界各國都會想得到呢D資源，將來係資源爭奪下國家與國家之間就有機會生衝突。《Call of Duty: Infinite Warfare》就係想帶出呢個觀點，話比大家聽呢樣野可能係將來會發生既事。


對最初公佈時玩家既不滿又有何睇法？
Eric對呢d批評一向都抱著樂觀既態度去面對，呢d負面既評價反而係一種動力令我地更加要讓玩家認識呢個遊戲。雖然係唔同既平台有好多爭議，但係e3和《Call of Duty: Infinite Warfare》xp既活動之中，玩家既評價並唔差。我地明白到唔同人有唔同睇法，但我們係不會被人阻止去進步。

以未來為舞台；係太空(無重力狀態下)上發生軍事戰，係製作上會遇上甚麼困難？
製作太空舞台反而仲可以得到更多創作，角色不再像以往般要係平面上行動，係一個無重狀態，士兵不再係尋找摭蓋物，然後搵機會進行射殺。依家士兵係來自四方八面既攻擊既環境下移動。
當Eric跟軍事顧問提及到無重狀態既環境，如果係太空上有一個鉤射出，拉到第二個地方，將會係一個非常之好既設計，因為咁樣可以令角色周圍走。

曾聽Eric介紹時都有提過遊戲製作時有問過唔少專家既意見，有沒有一D野係佢地提出既意見而又實現左？
Eric指自己既哥哥就係NASA既視覺部門工作，佢私人為遊戲提供唔少意見，包括邊D係係太空上可行？邊D係唔可行？當然呢D都唔屬於NASA既官方意見，只屬個人意見，但絕對相信佢既專業。此外，亦同唔問過一些設計師，當然又係屬個人性質既提議。

為何會突然加入《COD:MW》REMASTER？
因為《COD:MW》已經係2007年既產品，相當之耐，所以Eric希望比D FANS試下最新版本。

傳聞指要開《COD:MW》REMASTER，必須有《COD:IW》CD，是否真有其事？
係，的確真既。其實購買《COD:IW》已經非常之抵，因為內容非常豐富，除左本身既內容，又有ZOMBI模式，可以比你玩足1000個鐘。

《COD:IW》有無機會推出續集？
暫時未有計劃，如果反應好都會考慮。其實遊戲有好多故事可以創造出來。

有無機會發展到打外星人？（爆）
唔會、最多都係機械人。一定係人對人，或對機械人，點都唔會打外星人。

本作品有無一D特別既武器可以分享下？
有一支武器叫「RIPPER BOSOZUKU」，呢支野既特別之處係，有一種特別技能，當擊中對方下體時會增加攻擊力，大家到時可以試下。

(傳訊總監Eric)

更多ACG資訊，請留意 Uwants！

Source:Uwants