Yahoo!娛樂圈 送你《周柏豪 PAKHO IMPERFECT LIVE 2012》12月28號首場門票
周柏豪的個人演唱會《周柏豪
PAKHO IMPERFECT LIVE 2012》將於12月28至30日假九龍灣國際展貿中心Star Hall舉行。柏豪為此既緊張、又興奮，令鮮有失眠的他竟然眼光光睡不著！亦因為今次是他第一個大型售票演唱會，所以柏豪對每一方面都極為嚴謹，希望將他所有喜愛的元素都放進演唱會之中，將其入行以來的心血一一呈現觀眾眼前。早前演唱會內部訂票反應非常熱烈，更為柏豪打下一支強心針，他直言：「好開心有咁多人想睇我嘅演唱會，希望公開售票都好快賣晒，我唔會令大家失望！」
演唱會定名為《周柏豪 PAKHO IMPERFECT LIVE 2012》海報上的柏豪以一身黑、金造型示人，貫徹其一貫簡約型格，他謂：「黑同金呢2種色係我人生入面最能夠代表嘅顏色，黑就係黑暗期，金就係黃金時期，即係而家。無論人生有幾金都好亦都會有黑暗時期，所以人生唔會係完美，一定係imperfect。」他又稱：「而人生所有嘢都唔會係完美，好似我做歌、作曲、影相，無論做完嗰時覺得有幾好幾perfect，但係之後睇返聽返又硬係會覺得爭啲嘢，都係imperfect。」
拍攝演唱會海報當日柏豪一早到現場準備，公司為他請了造型師準備服裝，但他也親自帶來大量私伙衣服和飾物，希望以最能突顯其性格的造型展現於歌迷眼前。雖然柏豪的造型由頭遮到落腳，不過他並未因此而對自己的身型鬆懈，不用埋位的時候便不停做sit up和掌上壓，谷盡一身肌肉！被造型師開玩笑指：「搞錯咗個look，其實應該俾佢show盡全身肌肉。」他笑謂：「有啲肌肉托起件衫影相出嚟好睇啲，如果賣飛情況理想，或者可以考慮演唱會上露吓！」柏豪本身甚愛攝影，故不斷跟攝影師商量哪個角度、燈光最好，又密密看playback研究，更連後期海報設計都參與其中，提出很多意見予美術設計，可見他對今次演唱會極為重視。
Yahoo!娛樂圈送你《周柏豪 PAKHO IMPERFECT LIVE 2012》12月28號首場門票！答中以下問題，即有機會現場欣賞柏豪的年度心血之作。
問題︰周柏豪 PAKHO IMPERFECT LIVE 2012將於哪個場地舉行？
將答案連同姓名、聯絡電話email到ent_hk@ymail.com，其中三位答中問題的幸運兒，每人將羸得門票2張，名額3位。
