獸性大發：不為飽肚 只求殺生 一隻貓足以令一種動物滅絕

貓貓係非常可愛嘅動物，相信無人會反對；但可愛嘅背後，大家同時亦會見到貓貓暗中仍然有捕獵者嘅天性，甚至喺佢哋身上，會見到獅子、老虎、豹等大型捕食者嘅身影！不過難以想象世上竟然有人公開稱自己係「反貓份子」？Pete Marra就係《Cat Wars》嘅作者，簡單一句，成本書嘅主旨係「殺貓」。

Pete喺書中形容貓係迷人嘅動物，同時有種「近乎變態的危險」，因為貓比佢其他捕獵者近親唔同，貓會殘殺其他物種，唔係為咗包肚生存，係純為「樂趣」。Pete係野生動物保護學者，根據佢嘅研究，貓貓已經導致最少33種生物減絕！單單美國目前估計有4千萬隻流浪貓，除咗會出手殺害其他物㮔，貓身上嘅弓形蟲及瘋狗症病毒都會對其他物種構成威脅。

Pete舉出實例，1896年，一男子搬到新西蘭一個偏遠小島Stephens Island上居住，並帶同佢嘅寵物貓Tibbles。結果Tibbles憑「一貓之力」竟然就將全島所有「史提芬斯島鷦鷯」殺盡，只為「好玩」；全世界僅有該島有呢種雀鳥，因此一個獨有物㮔竟然因為一隻叫Tibbles嘅貓就從此消失於世上！

Pete並唔係咩壞人，其實佢自己都十分愛貓，因此佢寄語大家，領養勿棄養，減少流浪貓數目，以及切勿放養家貓。